بی حد چکدیم روزگارینگ جورونی
هئچ مطلب اولمادی دستگیر آپاردی
اوشاقلیغیم جوانلیغیم دوورونی
قحبه فلک وئردی تقدیر آپاردی
سی د امدیگیم اوشاقلیغیم عالمی
شور جوانلیعیم غروروم دمی
دوووشدوغون فلک آلدی کم-کمی
وئردی گووندیردی دلگیر آپاردی
بیر ثلث عمریمی طفل ایدیم نادان
بیر ثلث عمریمی آپاردی شیطان
بیر ثلثی قوجالوق بوسدی اخ-آمان
اوغریدان قالانی قالگیر آپاردی
ساقی! دولدور خواه صاف اولا خواهی درد
دستبرد ائیله فلک ائدر دستبرد
دنیا ییلاق آدام قوزی اجل قورد
چکدی بوسورودان بیر- بیر آپاردی
قارلی داغلار دامانیندان چیخان سو
سیلاب کمین نخل عمریم ییخان سو
داهی دونمز سرچشمه دن آخان سو
تدبیر ایشه گلمز تقدیر آپاردی
گتیردی عرصه یه نئچه پیلتن
بوراخدی جوشنین گئیدیردی کفن
نئچه گونش اوزلی شوخ سیمین تن
ساچی کمند زلفی زنجیر آپاردی
سهرابخان قلیجی برق جان ستان
فرنگی ده مشهور اولدی داستان
اوز مینگ روباه بازلیق ائدی آسمان
آچدی شئر بئلیندن شمشیر آپاردی
((ماذون)) دئیر عیش و نوشا یول آچمام
بزمیینگ مئی ایچنی یوخدور مئی ایچمم
گوینی اولو بازام پر و بال آچمام
همپروازلاریمی بازگیر آپاردی
هیچ نظری موجود نیست:
ارسال یک نظر