یوسفعلی بیگ

سلــطان عبث دئمـــه عمر گلدی گچدی

هنــــوز شهـــلا گؤزونگ خماری چوخدور

سنــــــنگ بو دنیـــــادا ارم بهشــــــــتی

هنـــــوز جفـــته نارینـگ بیماری چوخدور



هنـــــوز کمــــاندا دیر تیـر مژگانیـــــــنگ

هنـــوز فتــــنه واری چشــم مستانیــنگ

هنـــوز شبــــنم واری ترگلســـتانیــــنگ

هنـــوز گول قوینونگونگ گلزاری چوخدور



هنـــوز بنفشه دیر آغ سیـــــننگ خالی

هنـــوز شهدی چوخدور دوداغینگ بالی

هنـــــــوز نو ثمــر دیر قدینـــگ نهـــالی

هنـــوز نو نهــالیـــنگ بهـــاری چوخدور



هنـــــوز منـــم بو صراطــه مستـــــقیم

هنوز جیم دیر زولفونگ او چاغ اولور میم

هنـــوز دعــام بو دور رحمــــان-ی رحیم

هنـــوز مسلــمانیـــــنگ اقراری چوخدور



هنــــوز منـــیم قاتلـــیم دیر مـــوی زلف (هنوزم قاتل من موی زلف است)

هنـــوز مشــــــــک تاتاریم دیر بوی زلف (هنوزم مشک نابم بوی زلف است)

هنـوز عاشــق باشـین ائدیب گوی زلف (هنوزم سربه چوگان گوی زلف است)

هنــوز بو طـره نیــــنگ طراری چوخـدور (هنوز این طره ها طرار جانهاست)



اینــانمــا بیر توکـــونگ دونیــــایا ساتام

تا جــان واریم گره ک مهــــره می آتام

من اوینــــــــــــــارام یا اوتوزام یا اوتام

هنوز بو شطرنجیـــنگ قماری چوخدور



قورخو یوخوم سلـــطانیـندان خانیندان

الیـــمی اوزمـه نم یار دامــانیــــــندان

بی نوا یوسف خســرو قــانیـــــــندان

هنـــوز آغ ال لرینـگ نگــاری چوخدور