قطعاتی از یوسفعلی بیگ شاعر قشقایی

یــــر بؤلوک پریوش گیرمیــــــــش اویونا

نه گؤزه ل دیر گؤزه للرینـــگ سلــطانی!

من قــــــــــــــوربانام قامت اینـــــه بویونا

نه شیرین دیر لبـــــــلری نینگ فینجانی!

رحمیـــنگ گلسین ائتیر دادا شیرین جان!

بیســــــــــــتوندا من فرهادا شیرین جان!

شیرین عمــــروم وئرمه بادا شیرین جان!

شیرین لبیـــــــنگ شیرین جانیم درمانی

گئــــــجه گونّوز اولوب ویریم شیرین جان

زیاد اولــــــــوب غم و دردیم شیرین جان

شیـــــرین جان یولونا وئردیم شیرن جان

شیرین سیز نئیله رم من شیرین جانی؟

عقلیمی محو ائتدی سرو - ی سلاطین

گتـــیرمیشــدیر شیـرین جانیـــم براتین

زرافشـــان تئــل بویاتمیـــشدیر صورتین

حق بئلــــــه یارادیب کفـــر و ایمــــانی

ییغیلــــیب دیرمطـــرب،سنتور تار و نئی

مجلســــــینده ســــاقی گـزر پیـــــاپی

شیـــرین دیلــی مزّه شـــکّر لبی مئی

ووردولار حســــنونا جام- ی مستــانی

یوسف خســـرو ونگ چکـر انتظـــــــار

گل ای یئــــری خـــالی وفـــالی دلدار

بو چمن بو چشـــــمه بو مئی بو گلزار

بولور فینـــجان ایستر گول اوزلو ساقی