بیر بویوگ عالم دیر عارفینگ خوابی
حقیقت خوابیندا اعتبار اولور
گوینونه دنیانینگ خوب و خرابی
پرده غیبی دن آشکار اولور
گورستدیلر باطن گوزده تمامی
وئردیلر ذهنیمه بیر – بیر کلامی
قسقایی ائلی نئینگ نظم و نظامی
بیر مدت بیر بیردن تار و مار اولور
بی پاسی پادار دور پاداری بی پا
بی تمنا اولوب صاحب تمنا
گونده بیر ائلخانی – ائل بیگی برپا
دائما وورو – دوت گیر و دار اولور
دئدیلر: دور یئری خواب و خیال دان
گچدی نکبت بو طایفادان بو ائلدن
دمادم دیر عرش اوج جلال دان
داراب خان موکبی آشکار اولور
((ماذون)) کردگارا حمد و سپاس ائد
فکره گئدمه ترک خوف و هراس ائد
قشقایی ائلینی دریا قیاس ائد
چالخانور چالخانور برقرار اولور
هیچ نظری موجود نیست:
ارسال یک نظر